„ქართული ოცნება - დემოკრატიული საქართველოს“ აღმასრულებელი მდივანი ირაკლი კობახიძის ინფორმაციით, წყალტუბოს ოლქში, 51-ესაარჩევნო უბანთან, „ნაციონალური მოძრაობის“ მხარდამჭერები არიან მობილიზებული.
„საეჭვო რეპუტაციის ადამიანები სიტუაციის ხელოვნურად დაძაბვას ცდილობენ. ადგილზე იმყოფება აკაკი ბობოხიძე, მისი ძმა და ზურაბ ჯიბუხაია, რომელიც აკაკი ბობოხიძის ძმასთან ერთად არის შეწყალებული”, - აცხადებს კობახიძე.
მისივე ინფორმაციით, არსებობს საფუძვლიანი ეჭვი, რომ ისინი მუშაობენ სიტუაციის ხელოვნურად დაძაბვის სცენარზე.
ირაკლი კობახიძის განცხადებით, წყალტუბოში სიტუაციის ესკალაციისა და ხელოვნურად დაძაბვის შემთხვევაში სრული პასუხისმგებლობა „ნაციონალურ მოძრაობას“ ეკისრება.
