მთავარ პროკურატურასთან გამართულ აქციაზე “თავისუფალი დემოკრატების” ლიდერმა, ირაკლი ალასანიამ შეკრებილ საზოგადოებას სიტყვით მიმართა და აქციაში მონაწილეობისთვის მადლობა გადაუხადა.
"დღეს, ამ უსამართლობის ხატებასთან, საქართველოს მთავარ პროკურატურასთან შევიკრიბეთ და ჩვენს უდანაშაულო ბიჭებს მივმართავთ - ძლიერად დადექით, თქვენ საქართველო არ მიგატოვებთ და ქართველი ხალხი გამოგიხსნით იმ ტყვეობიდან, რომელშიც ერთი კაცის ნებით, პოლიტიკური ზეწოლით, ივანიშვილის გადაწყვეტილებით აღმოჩნდით. მე, როგორც მოქალაქე, როგორც კაცი, როგორც ოფიცერი, როგორც მამა, მეუღლე და შვილი, თქვენთან ერთად სიცოცხლეს გავწირავ, რომ ეს ადამიანები საკუთარ ოჯახებს დაუბრუნდნენ; გამოვიდნენ, დაუბრუნდნენ საქართველოს და დაუბრუნდნენ თავინთ ყველაზე მაგარ საქმეს, ემსახურონ საკუთარ ქვეყანას“, - განაცხადა ირაკლი ალასანიამ.
