უმთავრესი დღეს რისთვისაც შევიკრიბეთ მოქალაქეები არის ის რომ გამოვხატოთ უდიდესი თანადგომა და სოლიდარობა უდანაშაულო ადამიანების მიმართ, რომლებიც აღმოჩნდენ ციხეში პოლიტიკური დაკვეთით. გამოვხატოთ თანადგომა მათი ოჯახების მიმართ,მათ ეს თანადგომა ძალიან ჭირდებათ.- განუცხადა ჟურნალისტებს „თავისუფალი დემოკრატების“ ლიდერმა პროკურატურასთან.
ალასანიას თქმით ეს არის უდიდესი უსამართლობისა და პროტესტის განცდა იმ ხელისუფლების მიმართ, რომელმაც ვერ დაიცვა ეს ადამიანები უსამართლობისგან, პოლიტიკური შეკვეთისგან.
„დამოუკიდებლობის მოპოვებიდან 25 წლის თავზეც პროკურატურა მაინც რჩება ხელისუფლების ხელში პოლიტიკური რეპრესიების ბერკეტად. ეს უნდა შეიცვალოს და მე, ჩემი თანაგუნდელები და თანამოქალაქეები ჩვენს სიტყვაში სწორედ ამაზე გავამახვილებთ ყურადღებას.
როგორც ირაკლი ალასანიამ აღნიშნა, ვიდრე ოქტომბერში, არჩევნების გზით ხელისუფლება არ შეიცვლება, აუცილებლად გაგრძელდება აქციები.
