საპარლამენტო უმრავლესობის წევრმა, საფინანსო-საბიუჯეტო კომიტეტის თავმჯდომარე თამაზ მეჭიაურმა პარტია „ქართული ოცნება“ დატოვა.
ამის შესახებ ფრაქცია „ქართული ოცნების“ დღევანდელი შეხვედრის შემდეგ გახდა ცნობილი.
მეჭიაურის განცხადებით, იგი რჩება საპარლამენტო უმრავლესობაში და საფინანსო-საბიუჯეტო კომიტეტის თავმჯდომარედ.
"ამ წუთიდან აღარ ვარ პარტიის წევრი, ფრაქციაში ვრჩები, ასევე ვრჩები კომიტეტშიც. პარლამენტში ვადის ამოწურვამდე, მხარს დავუჭერ ფრაქციის იმ გადაწყვეტილებებს, რომელიც მათ პრინციპულად მიაჩნიათ, გარდა იმ საკითხებისა, რომელიც განხეთქილების მიზეზი გახდა", - განუცხადა ჟურნალისტებს თამაზ მეჭიაურმა.
