გაეროსთან საქართველოს მუდმივი წარმომადგენლობისა და ქ. ნიუ-იორკში საქართველოს გენერალური საკონსულოს ორგანიზებით გაიმართა საქართველოს დამოუკიდებლობის აღდგენის 25 წლისთავისადმი მიძღვნილი საზეიმო მიღება, რომელზეც მიწვეული იყვნენ ნიუ-იორკში აკრედიტებული დიპლომატიური კორპუსის,გაერო-ს სპეციალიზებული სააგენტოების, აკადემიური წრეებისა და ქართული დიასპორის წარმომადგენლები.
საქართველოს საგარეო უწყების ინფორმაციით, მიღებაზე მოწვეულ სტუმრებს სიტყვით მიმართეს ნიუ იორკში ოფიციალური ვიზიტით მყოფმა საქართველოს საგარეო საქმეთა მინისტრის პირველმა მოადგილემ, დავით ზალკალიანმა და გაერთიანებული ერების ორგანიზაციასთან საქართველოს მუდმივმა წარმომადგენელმა,კახა იმნაძემ.
საგარეო საქმეთა მინისტრის პირველმა მოადგილემ, დავით ზალკალიანმა მისასალმებელ სიტყვაში ხაზი გაუსვა გაერო-სთან საქართველოს თანამშრომლობის მნიშვნელობას და აღნიშნა, რომ დამოუკიდებლობის მოპოვების და გაერო-შიგაწევრიანების შემდგომ საქართველომ გრძელი და რთული გზა განვლო. მისი თქმით, მიუხედავად მრავალი გამოწვევისა,საერთაშორისო საზოგადოების დახმარებით, საქართველომ მნიშვნელოვან წარმატებებს მიაღწია დემოკრატიულიგანვითარების გზაზე. დავით ზალკალიანმა თავის გამოსვლაში ისაუბრა ევროპული და ევრო-ატლანტიკური ინტეგრაციისპროცესში საქართველოს მიერ მიღწეულ პროგრესზე, მიმდინარე და დაგეგმილ რეფორმებზე. მან აღნიშნა, რომმიუხედავად ქვეყნის განვითარების კუთხით არსებული დადებითი დინამიკისა, რუსეთის-საქართველოს კონფლიქტი დაოკუპაცია კვლავ რჩება გადაუჭრელ პრობლემად. ამასთანავე, მინისტრის პირველმა მოადგილემ ხაზი გაუსვა კონფლიქტისმშვიდობიანი გზით დარეგულირების მნიშვნელობას.
სიტყვით გამოსვლისას, დავით ზალკალიანი მიესალმა ქართული დიასპორის წარმომადგენლებს და მადლობა გადაუხადა საქართველოს ფარგლებს გარეთ სამშობლოს საკეთილდღეოდ გაწეული საქმიანობისთვის.
