საქართველოს საგარეო საქმეთა მინისტრი მიხეილ ჯანელიძე მონაწილეობას მიიღებს ევროპის საბჭოს 126-ე მინისტერიალში, რომელიცბულგარეთის დედაქალაქ სოფიაში გაიმართება.
მიხეილ ჯანელიძე მინისტერიალის მონაწილეებს სიტყვით მიმართავს. საკუთარ გამოსვლაში მინისტრი ისაუბრებს მინისტერიალის დღის წესრიგითგათვალისწინებულ საკითხებზე, ასევე ყურადღებას გაამახვილებს კონფლიქტის მოგვარების საკითხებში ევროპის საბჭოს მთავარი ღირებულებების - ადამიანის უფლებები, დემოკრატია და სამართლის უზენაესობა, დაცვის საკითხებზე და ამ მხრივ საქართველოს ოკუპირებულ რეგიონებში შექმნილ რთულ ვითარებაზე.
ასევე ყურადღებას გაამახვილებს ევროპის საბჭოს მინისტრთა მოადგილეების კომიტეტის მიერ 2016 წლის 4 მაისს მიღებულ გადაწყვეტილებაზე.
მინისტერიალის ფარგლებში მიხეილ ჯანელიძე ორმხრივ შეხვედრებს გამართავს კოლეგა მინისტრებთან.
