საკრებულოსთან ”პარტიზანი მებაღეები” არიან შეკრებილნი, რომლებიც დედაქალაქის საკრებულოში თბილისის მერის, დავით ნარმანიას მისვლას ელოდებიან.
საპატრულო პოლიცია თბილისის საკრებულოსთან მიმდინარე აქციის მონაწილეებს ტერიტორიის დატოვებისკენ მოუწოდებს. აქციის მონაწილეები სამართალდამცავთა მოწოდებას არ ემორჩილებიან და ბოტანიკური ბაღისთვის იმ ტერიტორიის დაბრუნებას მოითხოვენ, რომელიც ცოტა ხნის წინ სხვა ტერიტორიაში გაიცვალა.
პოლიცია აქციის შეწყვეტას რუსთაველის გამზირზე მიმდინარე მეორე აქციის გამო, შესაძლო ექსცესების მიზეზით მოითხოვს.
