ვარდების მოედნიდან სასულიერ პირებმა, ჩოხოსანთა საზოადოების წევრებმა და მრევლმა აწყურის ღვთისმშობლის ხატით მსვლელობა დაიწყო. მსვლელობის მონაწილეები გაივლიან რუსთაველის გამზირს და ხატს სამების საკათედრო ტაძარში მიაბრძანებენ.
მსვლელობის მონაწილეებს სრულიად საქართველოს კათოლიკოს-პატრიარქი, ილია მეორე დალოცავს და ოჯახის სიწმინდის დღეს მიულოცავს მრევლს, მორწმუნეებს, რის შემდეგაც ტაძარში ღვთისმშობლის პარაკლისს გადაიხდის.
ორი წლის წინ საქართველოს პატრიარქმა 17 მაისი ოჯახის სიწმინდის დაცვის დღედ გამოაცხადა.