"თავისუფალი დემოკრატების" რეგიონული კონფერენციები და მაჟორიტარი დებუტატობის კანდიდატების წარდგენა შიდა ქართლიდან- გორიდან დაიწყო.
დღეს პარტიის ლიდერმა ირაკლი ალასანიამ ოთხივე რაიონის და ქალაქ გორის მაჟორიტარი დეპუტატობის კანდიდატები წარადგინა. ქალაქ გორში თამაზ შიოშვილი, გორის რაიონში თეიმურაზ (მურად) მურადაშვილი, ქარელის რაიონში ალექსანდრე მსხალაძე, ხაშურში გიორგი ცხადიაშვილი, კასპის რაიონში ვახტანგ ბეჟიტაშვილი წარადგინეს.
გორის თეატრში გამართულ კონფერენციაზე პარტიის ლიდერებმა დავით ონოფრიშვილმა და ნიკოლოზ ფრუიძემ „თავისუფალი დემოკრატების“ ეკონომიკური პროგრამა და ჯანდაცვის ხედვა წარადგინეს.
შეკრებილ საზოგადოებას სიტყვით მიმართა „თავისუფალი დემოკრატების“ ლიდერმა ირაკლი ალასანიამ, რომელმაც თავის გამოსვლაში დეტალურად ისაუბრა პარტიის სამომავლო გეგმებზე, ქვეყნის წინაშე მდგარ გამოწვევებზე და იმ პრობლემების გადჭრის გზებზე, რომელიც შიდა ქართლში მცხოვრებ მოსახლეობას და ზოგადად საქართველოს მოქალაქეებს აწუხებთ. პარტიის ლიდერმა ყურადღება გაამახვილა „თავისუფალი დემოკრატების“ სოციალურ პროგრამებზე, რომელიც სხვა მიმართულებებთან ერთად, მოიცავს პენსიის გათანაბრებას საარსებო მინიმუმთან და უფასო მედიკამენტების პროგრამის ამოქმედებას. ირაკლი ალასანიამ დეტალურად ისაუბრა ვეტერანთა სოციალურ პროგრამებზე და მათტ საპენსიო რეფორმაზე.
გორის თეატრში პარტია „თავისუფალი დემოკრატების“ 500-ზე მეტი მომხრე იყო შეკრებილი. თბილისისდან, სპეციალურად გორის კონფერენციაზე ჩასულები იყვნენ პარტიის ლიდერები - ზურა აბაშიძე, ირაკლი ჩიქოვანი, ირაკლი ქადაგიშვილი, ვიქტორ დოლიძე, გიორგი ცაგარეიშვილი, მაია ფანჯიკიძე, ნინო ფრუიძე, თამარ კეკენაძე, თამარ ამაშუკელი და სულხან ღლონტი.
