წინასაარჩვენოდ მინისტრთა კაბინეტში ცვლილებები ნამდვილად იქნება, - ამის შესახებ პრემიერ-მინისტრმა გიორგი კვირიკაშვილმა ,,იმედის“ ეთერში განაცხადა. მისივე თქმით, ჯერ ადრეა საუბარი, იქნებიან თუ არა საარჩევნოდ სიაში დავით ბაქრაძე, ნოდარ ხადური და კახა კალაძე, რომლებიც პარტიის პოლიტსაბჭოს წევრები არიან.
„არ არის აუცილებელი, მინისტრები იყვნენ სიაში, მაგრამ წინასაარჩევნოდ ცვლილებები გამორიცხული არ არის. ჩვენ გვაქვს ძალიან ამბიციური სარეფორმო გეგმა და აქედან გამომდინარე შესაძლოა, გარკვეული ცვლილებები იყოს. როდის მოხდება, როგორ მოხდება, ამაზე პროგნოზირებასა და მკითხაობას არ დავიწყებ. ჯობია, რომ დაველოდოთ, თუმცა ცვლილებები იქნება ნამდვილად“,- აღნიშნა გიორგი კვირიკაშვილმა.
