საქართველოს საგარეო საქმეთა მინისტრის მოადგილის, დავით დონდუას ხელმძღვანელობით გაიმართა ამერიკის შეერთებულ შტატებში საქართველოს უწყებათაშორისი დელაგაციის ვიზიტი.
საგარეო საქმეთა სამინისტროს ინფორმაციით, დელეგაციის შემადგენლობაში შედიოდნენ საქართველოს საგარეო საქმეთა და თავდაცვის სამინისტროების და ევროპულ და ევროატლანტიკურსტრუქტურებში ინტეგრაციის საკითხებში სახელმწიფო მინისტრის აპარატის წარმომადგენლები. ვიზიტის ძირითად მიზანს წარმოადგენდა ნატო-სვარშავის სამიტის კონტექსტში საქართველოსთან დაკავშირებული საკითხების განხილვა აშშ-ის მხარესთან.
ვაშინგტონში ვიზიტის ფარგლებში საქართველოს დელეგაციამ გამართა შეხვედრები აშშ-ის თავდაცვის დეპარტამენტის საერთაშორისოუსაფრთხოების პოლიტიკის (რუსეთი, უკრაინა და ევრაზია) სამსახურის მთავარ დირექტორთან ლაურა გროსთან, თეთრი სახლის ბალკანეთის, შავიზღვის და კავკასიის სამსახურის დირექტორთან ვიქტორია ტეილორთან, ევროპისა და ევრაზიის საკითხებში აშშ-ის სახელმწიფო მდივნისთანაშემწის პირველ მოადგილესთან, ჯონ ჰეფერნთან, ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილესთან,ბრიჯიტ ბრინკთან და აშშ-ის წარმომადგენელთა პალატის საგარეო საქმეთა კომიტეტის მრჩეველთა ჯგუფთან.
შეხვედრებზე განხილულ იქნა ნატო-ს ვარშავის სამიტისთვის საქართველოსთან დაკავშირებული საკითხების მომზადების პროცესი, მათ შორისნატო-საქართველოს არსებითი პაკეტის განხორციელების მიმდინარეობა.
ხაზი გაესვა სამიტზე საქართველოს მიერ ნატო-ში ინტეგრაციის გზაზე მიღწეული პროგრესის სათანადოდ ასახვისთვის აშშ-ის ძალისხმევისმნიშვნელობას. საუბარი ასევე შეეხო საქართველოს ოკუპირებულ ტერიტორიებზე შექმნილ ვითარებას და რეგიონში არსებულ უსაფრთხოებისგარემოს.
ვაშინგტონში ვიზიტისას, დავით დონდუამ მონაწილეობა მიიღო კონფერენციაში "საქართველოს უსაფრთხოების სტრატეგიული ასპექტები:ტრანსატლანტიკური ინტეგრაცია, ეკონომიკა, დემოკრატია".
