„ქართული ოცნების“ პარტიის ხვალინდელ ყრილობაზე დასასწრები მოსაწვევები ყოფილ პრემიერ-მინისტრებს, ბიძინა ივანიშვილს და ირაკლი ღარიბაშვილსაც გაეგზავნათ, - ამის შესახებ კოალიციის აღმასრულებელმა მდივანმა ირაკლი კობახიძემ ჟურნალისტებტან განაცხადა.
„მოსაწვევები, რა თქმა უნდა, პარტიას გაგზავნილი აქვს როგორც ბატონ ბიძინა ივანიშვილისთვის - ჩვენი პარტიის დამფუძნებლისთვის, ასევე პარტიის ყოფილი თავმჯდომარისთვის, ყოფილ პრემიერ ირაკლი ღარიბაშვილისთვის. ჩვენ დიდი იმედი გვაქვს და დარწმუნებული ვართ, რომ ორივე დაესწრება ყრილობას“, - განაცხადა კობახიძემ.
რაც შეეხება ღარიბაშვილის საარჩევნო სიაში ყოფნასთან დაკავშირებულ კითხვას, კობახიძემ განაცხადა, რომ სიის შემადგენლობას ამ ეტაპზე პრინციპულად არ დაასახელებენ.
,,ქართული ოცნების“ ყრილობა ხვალ, 14 მაისს გაიმართება.
