”ქართული ოცნება - დემოკრატიული საქართველოს” ახალი წევრების შერჩევა საერთაშორისო პრაქტიკასთან შესაბამისობაში გაიმართა და მათ უახლოეს მომავალში წარადგენენ, - ამის შესახებ საქართველოს პრემიერ-მინისტრმა გიორგი კვირიკაშვილმა ლონდონში, ქართველ ჟურნალისტებთან განაცხადა,
,,ეს გუნდი მთლიანად იქნა შერჩეული პარტიის ლიდერების მხრიდან და ეს არის ძალიან გამჭვირვალე პროცესი. საერთაშორისო პრაქტიკასთან აბსოლუტურ შესაბამისობაში გაიმართა წინა შესარჩევი პროცესი, იყო გასაუბრებათა მთელი სერია და ამის შედეგად იქნა შერჩეული ძალიან დიდი რაოდენობა ახალგაზრდებისა”, - განაცხადა პრემიერმა და დასძინა, რომ პარტიაში გუნდის ძველი სახეებიც დარჩებიან.
მისივე თქმით, ყოფილ პრემიერ ბიძინა ივანიშვილს ”ქართული ოცნების” მომავალი გუნდის დაკომპლექტებაში ამ წუთამდე მონაწილეობა არ მიუღია.
