ე.წ. კაბელების საქმეზე გამამტყუვნებელი განაჩენის შემთხვევაში ,,თავისუფალი დემოკრატების“ ლიდერი საპროტესტო აქციებს აანონსებს.
ირაკლი ალასანიამ ”ტვ პირველის” ეთერში აღნიშნა, რომ საპროტესტო აქციები იმ შემთხვევაში გაიმართება, თუკი დადასტურდა, რომ ივანიშვილი ერევა სასამართლოს გადაწყვეტილებების მიღებაში.
”იმედი მაქვს, იზიარებს დღევანდელი პრემიერი, მთავრობა და ასევე სასამართლო ხელისუფლება, რომ ძალიან დიდ დარტყმას მიაყენებს ქართულ სახელმწიფოს თუკი დადასტურდა, რომ ბიძინა ივანიშვილი ერევა მოსამართლეების გადაწყვეტილებებში. ეს იქნება რეალურად საბოლოო წვეთი, რომ მოვლენები გადავიდეს ახალ ფაზაში და ეს ფაზა იქნება ის, რომ მე მოვუწოდებ საზოგადოების დიდ ნაწილს, პირდაპირ დავიწყოთ ბრძოლა ბიძინა ივანიშვილის არაფორმალური მმართველობის წინააღმდეგ ფიზიკურადაც. დავიწყებ ხალხის მობილიზებას ქუჩის საპროტესტო აქციებში, იმიტომ რომ ეს იქნება მოთმინების ბოლო წვეთი”,- განაცხადა ირაკლი ალასანიამ.
