გივი თარგამაძე ვანო მერაბიშვილს ხვდება, - ამის შესახებ ინფორმაციას თავად „ნაციონალური მოძრაობის“ წევრი გივი თარგამაძე ავრცელებს.
„დღეს ქართული პოლიციის დღეა! იმ პოლიციის, მოსახლეობის უპრეცედენტო ნდობა რომ ჰქონდა, ქურდული სამყარო რომ გააცამტვერა, მოქალაქეთა უსაფრთხო ცხოვრება რომ უზრუნველყო. მართალია, ქოცებმა ჯიბრით სხვა თარიღი შემოიღეს, მაგრამ ყველა პოლიციელს ახსოვს, რომ ეს დღე თავისი ბრძანებით მათთვის ყველაზე საამაყო მინისტრმა ვანო მერაბიშვილმა შეარჩია. ამ წუთას შევდივარ მასთან საპყრობილეში და ყოველი თქვენგანისგან გადავცემ მოკითხვას. გილოცავთ, პროფესიონალებო, პატრიოტებო, ქვეყნისთვის თავდადებულო ქალბატონებო და ბატონებო! სულ რამდენიმე თვეში ერთად გავისტუმრებთ რუს ოლიგარქს, გავანიავებთ შენობებს, დავიბრუნებთ მოსახლეობის ნდობას, საერთაშორისო რეპუტაციას და ქვეყანას ისევ წინ წავიყვანთ! სიკეთე თქვენს ოჯახებს!“, - წერს თარგამაძე სოციალურ ქსელში.
