„ნაციონალური მოძრაობის“ ერთ-ერთი ლიდერი სერგო რატიანი გიორგი ვაშაძის გადაწყვეტილებას უპასუხისმგებლოს უწოდებს. მისი თქმით, სიის გამო განაწყენება და წასვლა პარტიიდან არის სრულიად უპასუხისმგებლო, არასერიოზული და გაუგებარი საქციელი.
როგორც სერგო რატიანმა ჟურნალისტებს განუცხადა, პარტიის პოლიტსაბჭომ საარჩევნო სიის ფორმირების შესახებ გადწყვეტილება მიიღო.
„პარტიის ლიდერებმა მიიღეს გადაწყვეტილება, რომ სიის წინა პოზიციები დაეთმოთ ახალი ფიგურებისთვის, რომელთა როლიც გადამწყვეტი იქნება, როგორც ივანიშვილის დამარცხებაში, ისე გამარჯვების შემდეგ ქვეყნის რეფორმირებაში. გიორგი ვაშაძეს ქონდა პრეტენზია ყოფილიყი ათეულში, ყოფილიყო სიის თავში და ეს არ იქნა გაზიარებული”, - განაცხადა სერგო რატიანმა.
„ჩვენ დავამარცხებთ ივანიშ ვილს, მაგრამ ყოველი ასეთი ნაბიჯი არის ივანიშვილის პოზიციების გამაგრება. ეს არ გამოუვათ და ჩვენ გავიმარჯვებთ ოქტომბერში. მე უნდა გითხრათ, რომ სწორედ იმ ადამიანებმა გამოთქვეს მზაობა სიაში წინა პოზიციები დაეთმოთ ახალ სახეებისთვის, რომლებზეც დღეს გიორგი ვაშაძე ასახელებს”, - განაცხადა სერგო რატიანმა.
