,,რესპუბლიკელების“ ვარაუდით, ენმ-ს გიორგი კანდელაკი, აკაკი მინაშვილი და ჩიორა თაქთაქიშვილიც დატოვებენ. ლევან ბერძენიშვილის თქმით, ენმ-ში დაპირისპირების შესახებ ადრეც იყო ცნობილი საზოგადოებისთვის.
,,რომ გითხრათ, ღამე არ მძინავს მაგის გამო, ვერ გეტყვით, მაგრამ ბატონი ვაშაძე არის ერთერთი ან შეიძლება ერთადერთი იმ წრიდან, საიდანაც არის, რომელსაც საქმე აქვს გაკეთებული. ის საქმე დღესაც ცოცხალია, ამიტომ ჩვენ ყურადღებით შევხედავთ იმას, სად წავა, რას გააკეთებს და როგორ იზამს. მე ვფიქრობ, რომ იგი მარტო არ არის - თუ ოდესის ხაზია, ნამდვილად ვიცი, რომ ქალბატონი ჩიორა, ბატონი კანდელაკი, შესაძლოა ბატონი მინაშვილი და შესაძლოა ვინმე სხვაც აღმოჩნდეს ამ შემადგენლობაში“,-განაცხდა ბერძენიშვილმა.
გიორგი ვაშაძემ ”ერთიანი ნაციონალური მოძრაობა” დატოვა და ახალ პოლიტიკურ მოძრაობას ქმნის. მისი თქმით, ”ნაციონალური მოძრაობისგან” ამომრჩეველი ელოდა ახალ ინიციატივებს, რაც არ განხორციელდა და პარტია დახურულ, კაბინეტურ სისტემად ჩამოყალიბდა“.
რაც შეეხება ენმ-ს, პარტიაში აცხადბენ, რომ გიორგი ვაშაძე საარჩევნო სიის პირველ ათეულში ვერ მოხვდა და ამის გამო მიიღო უპასუხისმგებლო გადაწყვეტილება.
