პრეზიდენტთან დაგეგმილ შეხვედრას, რომელიც საარჩევნო კოდექსთან დაკავშირებით გაიმართება, ,,თავისუფალი დემოკრატებიც“ დაესწრებიან.
პარტიის ერთ-ერთმა ლიდერმა ირაკლი ჩიქოვანმა განაცხადა, რომ შეხვედრაზე დაისმება საკითხი, თუ როგორ არის შესაძლებელი საარჩევნო სისტემის ცვლილება.
„მოლოდინი, რომ უმრავლესობა მხარს დაუჭერს 2016 წელს ახალი სისტემის ამოქმედებას, არის ძალიან დაბალი. უფრო მეტიც, 2020 წლის არჩევნებთან დაკავშირებითაც უმრავლესობა აპირებს საკუთარი ინიციატივის უკან წაღებას. რამდენადაც მე ვიცი, უმრავლესობაში შემავალი რამდენიმე ფრაქცია ცვლილებებს მხარს არ უჭერს და ჩავარდება ეს რეფორმა”, - განაცხადა ირაკლი ჩიქოვანმა.
მისივე თქმით, მისასალმებელია, რომ პოლტიკურმა პარტიებმა უკვე იციან არჩევნების თარიღი, რათა უკეთ მოემზადონ.
„ხელისუფლებას არ აქვს პოლიტიკური ნება სწრაფად აამოქმედოს საარჩევნო რეჟიმისთვის აუცილებელი შეზღუდვები. რაც პირდაპირ მიანიშნებს, რომ ხელისუფლებას აქვს სურვილი გამოიყენოს ადმინისტრაციული რესურსი“, - განაცხადა ჩიქოვანმა.
