საქართველოს პრემიერ-მინისტრმა ეკონომიკის მინისტრს დიმიტრი ქუმსიშვილს გადაცემა „არჩევანში“ საწარმობის შესახებ ინფორმაციის კარგად მიწოდებისთვის მადლობა გადაუხადა. გიორგი კვირიკაშვილმა მთავრობის დღევანდელ სხდომაზე მინისტრებს მოუწოდა მეტი ინფორმაცია მიაწოდონ საზოგადოებას მნიშვნელოვანი პროექტების შესახებ.
..მოგიწოდებთ მთავრობის წევრებს, რომ მაქსიმალურად ჩვერთოთ ამ კომპანიების თაობაზე ინფორმაციების ჩვენს საზოგადოებამდე მიტანის პროცესში. ძალიან მნიშვნელოვანია, რომ მოქალაქეებმა იცოდნენ, რომ თითეული ასეთი პროექტი განსაზღვრულია იმისთის, რომ შეიქმნას ახალი სამუშაო ადგილები. ძალიან ხშირად, საჭიროა უფრო მეტი ინფორმაციის მიტანა. მინდა, მადლობა ვუთხრა ეკონომიკის მინისტრს. მან საკმაოდ კარგად, ვიზუალურად წარმოადგინა რამოდენიმე პროექტი. სამწუხაროდ, მას არ მიეცა საშუალება, მეტი ინფორმაცია მიეწოდებინა საზოგადოებისთვის, რაც ძალიან სამწუხაროა. თუმცა, კიდევ ერთხელ ვამბობ - არ ვიცი, ეს ტექნიკური ხარვეზი იყო, თუ სხვა რამ, მაგრამ მინდა, ყველა თქვენთაგანს მოვუწოდო, მაქსიმალურად შევეცადოთ, მეტი ინფორმაიცა მივაწოდოთ ჩვენს საზოგადოებას ასეთი პროექტების შესახებ“,-აღნიშნა გიორგი კვირიკაშვილმა.
