"პრეზიდენტი უზენაესი სასამართლოს წევრობის კანდიდატებით არ ვაჭრობს,"- ეს განცხადება, საქართველოს პრეზიდენტის მრჩეველმა კახა კოჟორიძემ გააკეთა. კოჟორიძე საპარლამენტო უმრავლესობის წევრთა იმ განცხადებას გამოეხმაურა, რომლის მიხედვითაც უზენაესი სასარმთოს წევრობის კანდიდატებთან დაკავშირებით გადაყვწეტილება გიორი მარგველაშვილს კოალიციასთან კონსულტაციის შემდეგ უნდა მიეღო. კახა კოჟორიძის განმარტებით, პრეზიდენტის პრინციპული პოზიციაა, რომ პოლიტიკური კონსულტაციები თუ კულუარული შეთანხმებები უზენაესი სასამართლოს კანდიდატებთან დაკავშირებით არ გაიმართოს.
“უზენაესი სასამართლოს კანდიდატებით პრეზიდენტი არასოდეს არ ვაჭრობს. ჩემთვის მართლაც გაუგებარი განცხადებაა აღნიშნული განცხადება. გაუგებარია პირველი იმიტომ, რომ კანდიდატები პრეზიდენტის მიერ არის უკვე დასახელებული, მეორე იმიტომ, რომ ამ კანდიდატთან დაკავშირებით საპარლამენტო საკომიტეტო განხილვები უკვე დასრულებულია და მესამე და მთავარი- საქართველოს პრეზიდენტის პრინციპული პოზიციაა, რომ პოლიტიკური კონსულტაციები თუ კულუარული შეთანხმებები უზენაესი სასამართლოს კანდიდატებთან დაკავშირებით არ გაიმართოს. უზენაესის სასამართლო უნდა იყოს არბიტრი, შემფასებელი პოლიტიკისგან გვერდით მდგომი ინსტიტუტი და ის არ უნდა ჩაერთოს პოლიტიკაში. ამიტომ კანდიდატებზე შეთანხმება არ უნდა იყოს პოლიტიკური პროცესის თუ კულუარული შეთანხმებების და კონსულტაციების საგანი,“-განაცხადა კახა კოჟორიძემ.
