კრწანისის ისტორიულ ნაწილში ტურისტული ინფრასტრუქტურის მოწესრიგება სრულდება. სამუშაოების მიმდინარეობას ადგილზე გაეცნო კრწანისის გამგებელი, გიორგი კოპალეიშვილი.
დედაქალაქის მერიის პრეს-სამსახურის ინფორმაციით, შარდენისა და ბარათაშვილის ქუჩებზე ქვაფენილის შეკეთება მიმდინარეობს. გამწვანების ღონისძიებების ფარგლებში კი, ნარიყალას ციხე-სიმაგრის და ქართლის დედის მიმდებარე ტერიტორიაზე განახლდა ტუიას ცოცხალი ღობე, ასევე, დაირგო ბროწეულის ხეები. გადასახედ მოედანზე მოეწყო ასფალტის საფარი.
ტურისტული მარშრუტების კეთილმოწყობა ერთი კვირაში დასრულდება.