მტკვრის მარჯვენა სანაპიროზე გაჩერებული რუსულნომრიანი სატვირთო ავტომანქანების მძღოლების ადგილსამყოფელი უცნობია. ამის შესახებ ინფორმაციას ,,რუსთავი 2“ - ავრცელებს. ტელეკომპანიის ინფორმაციით, ადგილზე იმყოფებიან საპატრულო პოლიციის, შსს-ს და უშიშროების სამსახურის წარმომადგენლები.
შსს-ში აცხადებენ, რომ სატვირთო მანქანები შესყიდულია კერძო პირის მიერ რუსეთის ფედერაციაში, ავტომანქანები ჩამოწერილ ტექნიკას წარმოადგენს და მოძრაობენ ტრანზიტული სანომრე ნიშნებით. თუმცა, შსს-თვის უცნობია, რატომ არის ავტომანქანები აქ გაჩერებული და სად არიან მძღოლები.
ტელეკომპანიის ინფორმაციით, ავტომანქანების საბარგულებზე მოთავსებულია საველე მოწყობილობა, ყუთები, გასაშლელი კარვები, გასაშლელი მაგიდები და საკმები. მანქანების კარებები დალუქული იყო და ახლა ჩანს, რომ ეს ლუქი მოხსნილია.