ისნის რაიონში ბეღლეთის, განთიადისა და მარტყოფის(მე-2 შესახვევი) ქუჩებზე გზის სარეაბილიტაციო სამუშაოები მიმდინარეობს. მერიის ინფორმაციით, ძველი, ამორტიზირებული საგზაო საფარი ათეული წლების განმავლობაში არ შეკეთებულა.
პროექტი ისნის რაიონის გამგეობის ინიციატივითა და ადგილობრივი მოსახლეობის თხოვნით ხორციელდება, რომელსაც შ.პ.ს. „ნიუ ქასთელ ქონთრაქშენ" აწარმოებს. სამუშაოების ფარგლებში, 9 400 კვ.მეტრ ფართობზე იგება ასფალტის საფარი და იცვლება ბორდიურები. საგზაო სამუშაოები აპრილის ბოლოს დასრულდება.
სამუშაოების მიმდინარეობას დღეს ისნის რაიონის გამგებელი ვახტანგ ქიზიყურაშვილი გაეცნო და მოსახლეობას გაესაუბრა.
