თბილისის მეტროს თანამშრომლებმა 8 აპრილს გაფიცვის თაობაზე დედაქალაქის მერიასა და ჯანდაცვის სამინისტროს წერილობით აცნობეს.
როგორც გაფიცვის ორგანიზატორებმა 2030-ს განუცხადეს, პროტესტის მიზეზი დამსაქმებელ კომპანიასა და მათ შორის შეუთანხმებლობაა. მეტროს თანამშრომლებს რამდენიმე ძირითადი მოთხოვნა აქვთ. კერძოდ, 2017 წლიდან ხელფასების 20 პროცენტამდე მატება, ღამის საათებში მუშაობის, შრომის კოდექსის შესაბამისად ანაზღაურება.
მეტროს თანამშრომლებსა და თბილისის მერიის კუთვნილ შპს სატრანსპორტო სამსახურის ხელმძღვანელობას შორის მოლაპარაკებები ბოლო პერიოდია უშედეგოდ მიმდინარეობს. მოლაპარაკებებში მედიატორის როლი ჯანდაცვის სამინისტროს შესაბამისმა სამსახურმაც იკისრა, თუმცა პირობებზე შეთანხმება ამ დრომდე ვერ ხერხდება.