„დანკინ დონატსი“ მომხმარებლებს ესპრესოზე დამზადებულ, გამორჩეული ხარისხის იტალიურ ყავას სთავაზობს. იტალიური ყავა, რომელიც „დანკინ დონატსის“ რესტორნებში იყიდება 100 % არაბიკას ყავის მარცვლებზეა დამზადებული და ძალიან მაღალი ხარისხისაა. საქართველოში მაღალი ხარისხის ყავის შესათავაზებლად „დანკინ დონატსის“ პერსონალს მასტერკლასები საერთაშორისო ექსპერტმა, ბარისტებს შორის მსოფლიოს ორგზის ჩემპიონმა სტავროს ლამპრინდისმა ჩაუტარა. ამავდროულად, 4 აპრილიდან „დანკინ დონატსის“ ყავის პროდუქტების მენიუს სტავროს ლაპრინდისის მიერ შექმნილი მოკა და მაკიატო დაემატება.
„ საერთაშორისო ექსპერტის სტავროს ლამპრინდისის მასტერკლასები ჩვენ შესაძლებლობას მოგვცემს კიდევ უფრო მაღალ საფეხურზე ავიყვანოთ ყავის ხარისხი. მაღალი ხარისხის ყავის მისაღებად ყავის მარცვლების ხარისხთან ერთად არანაკლებ მნიშვნელოვანია რესტორნებში ყავის სწორად დამზადება. სტავროსის მასტერკლასები და „დანკინ დონატის“ 100% არაბიკას მარცვლებზე შექმნილი იტალიური ყავა იქნება ის სინთეზი, რომელიც “დანკინის’" ყავას საბოლოოდ, ძალიან მყარად დაამკვიდრებს საქართველოში. ჩვენი ამოცანაც სწორედ ის არის, რომ საქართველოში ყველაზე მაღალი ხარიხის ყავა “დანკინ დონატსის” რესტორნებში იყიდებოდეს”- აცხადებს „ვისოლ ჯგუფის“ პრეზიდენტი სოსო ფხაკაძე.
საერთაშორისო ექსპერტი სტავროს ლამპრინდისი ბარისტათა 12 საერთაშორისო კონკურსის გამარჯვებული და ლაურიატია.
„მეტი ქართული პროდუქტის“ ინიციატივის ფარგლებში“ „დანკინ დონატსის“ რესტორნებში მომხმარებელს საშუალება აქვს დააგემოვნოს ყოველდღიურად ახალი, უმაღლესი ხარისხის ქართული პროდუქტები - ხაჩაპური, ლობიანი, კარტოფილის და ხორცის ღვეზელები; პანინის სენდვიჩები; ბრიოშის ფუნთუშაზე შექმნილი ბურგერები, იტალიური ესპრესოზე დამზადებული ყავის პროდუქტების ფართო ასორტიმენტი და სხვა.