ბათუმის შოთა რუსთაველის სახელმწიფო უნივერსიტეტში, აჭარის ა/რ მთავრობის, საქართველოს ეკონომიკურ მეცნიერებათა აკადემიის და ბათუმის შოთა რუსთაველის სახელმწიფო უნივერსიტეტის ორგანიზებით გაიმართა მრგვალი მაგიდა თემაზე: ''საქართველოში მიმდინარე ეკონომიკური რეფორმები და მისი სრულყოფის გზები.''
შეხვედრის მიზანი იყო აკადემიური და სამეცნიერო წრეების პოზიციის გაზიარება და რეგიონის განვითარების სტრატეგიის ძირითადი ასპექტების განხილვა. მრგვალ მაგიდაზე აჭარის ა.რ. სოციალურ-ეკონომიკური განვითარების თანამედროვე გამოწვევებსა და რეგიონული განვითარების სტრატეგიაზე მოსხენებით აჭარის ა/რ მთავრობის თავმჯდომარე არჩილ ხაბაძემ წარსდგა. მოხსენებით გამოვიდა ასევე საქართველოს ეკონომიკურ მეცნიერებათა აკადემიის პრეზიდენტი, ეკონომიკის მეცნიერებათა დოქტორი პროფესორი, იაშა მესხია. ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებთან და სტუდენტებთან ერთად შეხვედრას საქართველოს ეკონომიკურ მეცნიერებათა აკადემიის წევრები, აჭარის ა/რ ფინანსთა და ეკონომიკის მინისტრი დავით ბალაძე, აჭარის სოფლის მეურნეობის მინისტრი ზაურ ფუტკარაძე, ქალაქის მერი და მთავრობის სხვა წარმომადგენლები ესწრებოდნენ.
მოხსენებების შემდეგ შეხვედრა დისკუსიის რეჟიმში გაგრძელდა. დასასრულს, მონაწილეებმა ეკონომიკური რეფორმების სრულყოფის მიმართულებით წინადადებები და რეკომენდაციები შეიმუშავეს.