საქართველოს პრეზიდენტმა გიორგი მარგველაშვილმა, პრემიერ-მინისტრმა გიორგი კვირიკაშვილმა, თავდაცვის მინისტრმა თინათინ ხიდაშელმა და ხელისუფლების სხვა წარმომადგენლებმა აზერბაიჯანელ მოსახლეობას ნოვრუზ ბაირამი მიულოცეს. საქართველოს ხელისუფლების წარმომადგენლებმა მარნეულში გამართულ სადღესასწაულო ღონისძიებაში მიიღეს მონაწილეობა, საგამოფენო კუთხეები დაათვალიერეს, ჩაი და ტკბილეული დააგემოვნეს და ტრადიციული კოცონის ანთებას დაესწრნენ.
„ვულოცავ საქართველოს მოქალაქე აზერაბაიჯანელებს ნოვრუზ ბაირამს, საუკეთესო წლის დასაწყისი მინდა ვუსურვო. დარწმუნებული ვარ, ჩვენ ყველანი ერთად მოვახერხებთ, რომ კიდევ უფრო უკეთეს ქვეყანაში ვიცხოვროთ. ეს ჩვენი აზერბაიჯანელი თანამოქალაქეების ძალიან კარგი, ხალისიანი დღესასწაულია და მე ყოველთვის ბედნიერი ვარ, რომ ამ დღეს მაქვს შესაძლებლობა, შემოვუერთდე და მათთან ერთად გავიზიარო ეს სიხარული“,- განაცხადა თინათინ ხიდაშელმა.