სამების საკათედრო ტაძარში ხანძარი უწმინდესის წირვის დროს გაჩნდა. ,,უწმინდესის წირვა მიმდინარეობდა, ჩაქრა შუქები და კვამლი ამოვიდა ტაძარში. ჩამოვიდნენ და ისეთი კვამლია, რომ ვერავინ ვერაფერს ხედავდა. დაახლოებით ერთი საათი მოუნდნენ ნახვას ცეცხლი სად იყო. ახლა მიაგნეს მე მგონი. რამდენიმე ადამიანი მალევე ამოვიდა, დაზარალებული არავინ არ არის. ტერიტორია დაცლილია, მარტო მაშველები და სახანძროს ხალხი მუშაობს“ - განაცხადა ერთ-ერთმა სასულიერო პირმა ,,რუსთავი 2“ - თან საუბარში.
სამების საკათედრო ტაძარში მობილიზებული არიან სახანძრო და სამაშველო ბრიგადები. სახანძრო-სამაშველო სამსახურის ინფორმაციით, ადგილზე 10 მანქანა მუშაობს. ძლიერი დაკვამლიანებაა სამების ახალგაზრდულ ცენტრში. ხალხის ევაკუირება განხორციელდა, თუმცა ჯერჯერობით ცეცხლის ლოკალიზება არ მომხდარა. ხანძრის გამომწვევი მიზებისა და დაშავებულთა შესახებ ინფორმაცია არ ვრცელდება.
