საგანგებო სიტუაციების მართვის სააგენტოს თბილისის მთავარი სამმართველოს უფროსის მოადგილემ დავით გელაშვილმა ჟურნალისტებთან განაცხადა, რომ ,,გუდვილის" შენობაში ხანძარი ლოკალიზებულია, მისი ინფორმაციით, ხანძარი "გუდვილის" შენობის ცენტრალურ ნაწილში, სიღრმეში იყო.
,,ცეცხლი 450-500 კვ.მ ფართობზე გავრცელდა და მოიცვა საკონდიტრო მაღაზია და გადახურვის ნაწილი. ელექსტროსადენების მეშვეობით ხანძარი სახურავშიც გავრცელდა. ადგილზე 18 სახანძრო ბრიგადა და მაშველები მუშაობდნენ. დაშავდა ერთი მეხანძრე, რომელიც სასწრაფო სამედიცინო დახმარების ბრიგადამ გაიყვანა. გუდვილის მომსახურე პერსონალიდან არავინ დაშავებულა” , - განაცხადა გელაშვიოლმა. მისივე თქმით, ხანძრის გამომწვევი მიზეზები მათთვის უცნობია.