გაერო „ბედნიერების ინდექსს“ აქვეყნებს. გამოქვეყნებულ მოხსენებაში საუბარია იმაზე რამდენად ბედნიერად და უზრუნველყოფილად მიაჩნია თავი დედამიწის მოსახლეობას. ავტორების შეფასებით, 156 ქვეყანას შორის, ყველაზე ბედნიერი ადამიანები დანიაში ცხოვრობენ. საქართველო ბედნიერების ინდექსში 126-ე ადგილზეა. ეს ძალიან ცუდი მაჩვენებელია, საქართველო განას, კონგოსა და სენეგალის თანაბარწილ ბედნიერ ქვეყანად არის მიჩნეული.

საქართველოს უსწრებენ პოსტსაბჭოთა ქვეყნები - უზბეკეთი (49-ე ადგილი), ყაზახეთი (54), მოლდოვა (55), რუსეთი (56), ლიტვა (60), ბელორუსი (61), თურქმენეთი (65), ლატვია (68), ესტონეთი (72), აზერბაიჯანი (81), ყირგიზეთი (85), ტაჯიკეთი (100), სომხეთი (121), უკრაინა (123).

რეიტინში მეორე ადგილზეა შვეიცარია, რომელიც გასულ წელს პირველ ადგილზე იყო. უნდა აღინიშნოს რომ ათეულში ძირითადად სკანდინავიის ქვეყნები არიან წარმოდგენილნი - ისლანდია (3), ნორვეგია (4), ფინეთი (5), შვედეთი (10). ათეულში ასევე არიან ჰოლანდია, ავსტრალია, ახალი ზელანდია.