თბილისის სახელმწიფო უნივერსიტეტის რექტორი ვლადიმერ პაპავა საქართველოს კათოლიკოს-პატრიარქს ილია მეორეს შეხვდა. როგორც პაპავამ შეხვედრის შემდეგ განაცხადა, შეხვედრა პატრიარქის თხოვნით მოეწყო.როგორც ვლადიმერ პაპავამ ჟურნალისტებს განუცხადა, პატრიარქი დაინტერესდა თუ რა სიტუაციაა უნივერსიტეტში. პაპავას თქმით, პატრიარქის რჩევაა სტუდენტებისადმი, რომ ილოცონ.
”აინტერესებდა ჩემგან გაეგო კონკრეტულად რა ხდება უნივერსიტეტში. პატრიარქმა კიდევ ერთხელ ხაზი გაუსვა თავის დამოკიდებულებას უნივერსიტეტისადმი, ახალგაზრდობისადმი, სტაბილურობისა და განვითარებისადმი. ითქვა, რომ ეს არის მძიმე მარხვის კვირა და რჩევა არის სტუდენტებისადმი, რომ ილოცონ", - განაცხადა პაპავამ და აღნიშნა, რომ სტუდენტური თვითმმართველობის ულიტიმატუმის მიუხედავად, უნივერსიტეტის რექტორის თანამდებობიდან გადადგომას არ აპირებს.