დღეს რომის პაპმა ფრანცისკემ ხელი მოაწერა დეკრეტს 4 სექტემბერს ნობელის პრემიის ლაურეატის, დედა ტერეზას წმინდანად შერაცხვის ცერემონიის ჩატარების შესახებ, - ამის შესახებ AFP იუწყება. 18 დეკემბერს მილანის გაზეთი „Corriere della Sera“ წერდა, რომ ფრანცისკემ მწვანე შუქი აუნთო დედა ტერეზას კანონიზაციის პოცედურას იმით, რომ აღნიშნული ცერემონია მადლიერების საიუბილეო წლის ერთ-ერთ მთავარ მოვლენად დაასახელა.
წარმოშობით ალბანელი დედა ტერეზა (ნამდვილი სახელი აგნეს გონჯა ბოიაჯუ) 1910 წელს სკოპიეში, მაკედონიაში დაიბადა. მრავალი წლის განმავლობაში მუშაობდა ინდოეთში, სადაც დააარსა ქალთა სამონასტრო კონგრეგაცია „ქველმოქმედების მისიონრები“ და ხელმძღვანელობდა მას.
დედა ტერეზას მიერ შექმნილი 517 მისია 100 ქვეყანაში ფუნქციონირებს. მონაზონი 1997 წელს კალკუტაში გარდაიცვალა. 2003 წელს იგი, რომის პაპ იოანე პავლე მეორის პირადი ინიციატივით (რომელიც არასოდეს შეხვედრია დედა ტერეზას), ნეტარად შერაცხეს.
