,,მაესტროს“ მხარდამჭერები საქალაქო სასამართლოსთან ,,პირაკრულთა აქციას“ გამართავენ. "მაესტროს" ყოფილმა გენერალურმა დირექტორმა ბაია გადაბაძემ ჟურნალისტებს დღეს გამართულ პრესკონფერენციაზე განუცხადა, რომ აქცია თბილისის საქალაქო სასამართლოსთან, 18 მარტს გაიმართება.
,,ამის გამოცდილება გვაქვს, რადგან სისტემატიურად მიდიოდა "მაესტროს" პირის აკვრის მცდელობა და ჩემდა სამწუხაროდ, უნდა აღვნიშნო, რომ ისტორია მეორდება", - განაცხადა გადაბაძემ.
შპს "ტელეკომპანია მაესტროს" დირექტორ ბაჩო კიკაბიძეს სახელწოდება "მაესტროს" გამოყენების უფლება აეკრძალა. შესაბამისი გადაწყვეტილება თბილისის საქალაქო სასამართლომ დღეს მიიღო,
შპს "ტელეკომპანია მაესტროს" დირექტორი აღნიშნულ ფაქტს ეხმაურება და აცხადებს, რომ იგივე სარჩელზე იგივე მოსამართლემ გუშინ სხვა გადაწყვეტილება მიიღო. ბაჩო კიკაბიძის თქმით, "მაესტროს" ვერ გააჩერებენ და მაუწყებლობა არც ერთი წუთით არ შეწყდება.