თბილისის სახელმწიფო უნივერსიტეტის ლექტორები ლადო პაპავას მხარდასაჭერას უცხადებენ. თსუ-ს რექტორის მხარდასაჭერად მათ ბრიფინგი გამართეს, სადაც განაცხადაეს, რომ მისი გადადგომა უნივერსიტეტში დღეს შექმნილ სიტუაციას ვერ განმუხტავს.
პროფესორ-მასწავლებლების ნაწილი მიიჩნევს, რომ უნივერსიტეტში განვითარებული მოვლენების უკან გარე ძალების ინტერესები იკვეთება და ისინი დაპირისპირებულ სტუდენტებს ვითარების დასაბალანსებლად დიალოგისკენ მოუწოდებენ.
,,ახლა ყველაზე მნიშვნელოვანია შევინარჩუნოთ სიმშვიდე. პირველად მრავალი წლის განმავლობაში უნივერსიტეტს ჰყავს არჩეული რექტორი, რომლის უკანაც არც ერთი პოლიტიკური ძალა არ დგას. სწორედ ამიტომ, მან უნდა გააგრძელოს მუშაობა. სამწუხარო ის არის, რომ სტუდენტებს, რომლებიც რექტორის გადადგომას მოითხოვენ, არ აქვთ გააზრებული თუ რა სიტუაცია შეიძლება შეიქმნას რექტორის გადადგომით", - განაცხადა პროფესორმა რეზო გაჩეჩილაძემ.
თსუ-ს სტუდენტები დღეს, საპროტესტო აქციის განახლებას გეგმავენ.
