ჟურნალისტი ინგა გრიგოლია ინტერნეტში დღეს გავრცელებულ პირადი ცხოვრების ამსახველ მორიგ ვიდეო კადრებთან დაკავშირებით ფეისბუქზე წერს, რომ მას შანტაჟის არ ეშინია და თავს შეაკლავს მისიდა სხვა ადამიანების უფლებებისთვის ბრძოლას.
”გამარჯობა, ჩემო მეგობრებო......როგორც მეუბნებიან, პირდი ცხოვრების ამსახველ ახალ ვიდეოში,რომლის გამოქვეყნებასაც აპირებენ, თურმე ჩემი გვარიც დაანონსდა. მე არ ვაპირებ ჩირგვებში ჯდომას და ნერვიულობას ამ თემაზე......დანარჩენს უკვე გადაცემიდან ვიტყვი, დღეს, ორ საათზე ეთერი მაქვს, სხვისი არ ვიცი, მაგრამ მე მსგავსი შანტაჟის და მუქარის არ მეშინია და არც გაჩუმებას ვაპირებ. უფრო მეტად მოვედი ბრძოლის ხასიათზე...მირეკეს, მწერეს და ჩემი შვილის გარდა, ვერავინ გაბედა ეთქვა, რომ ჩემი გვარი დაანონსდა, ვისი პირადი ცხოვრების გასაჯაროებასაც აპირებენ, თუ ქვეყნიდან და პოლიტიკიდან(?????) არ წავალ....დააშანტაჟეთ და შეაშინეთ, ვინც შეგიშინებიათ!!!!!!!! მე ღიად ვხსნი ამ თემას.......თუ ასეთ ქვეყანაში უნდა გვაცხოვრონ, მაშინ თავს შევაკლავ ჩემი და სხვა ადამიანების უფლებებისთვის ბრძოლას. ეთერში ვარ ორზე”, - წერს გრიგოლია.
შეგახსენებთ, რომ დღეს ინტერნეტში პირადი ცხოვრების ამსახველი მორიგი კადრები გავრცელდა. ვიდეოს თან ახლავს მინაწერი, რომ კადრები ერთ-ერთი პოლიტიკოსის პირად ცხოვრებას ასახავს. ასევე, არის მუქარა, სადაც ნათქვამია, რომ პირადი ცხოვრების ამასახველ მასალებს კვლავ გამოაქვეყნებენ.
შეგახსენებთ, პირადი ცხოვრების ამსახველი ფარული ჩანაწერები, პარასკევსაც გამოქვეყნდა. გამოძიება 157-ე მუხლის მეორე ნაწილით დაიწყო, რომელიც პირადი საიდუმლოს უკანონოდ გავრცელებას ეხება.