ბოლო მონაცემებით, თურქეთში დაღუპულთა და დაშავებულთა შორის არ არიან საქართველოს მოქალაქეები
თურქეთის დედაქალაქში მომხდარი ტერორისტული აქტის გამო საგანგებო რეჟიმში მუშაობს საქართველოს საელჩო. ამ დროისათვის არსებული ოფიციალური ინფორმაციით, დაღუპულთა და დაშავებულთა შორის არ არიან საქართველოს მოქალაქეები.
როგორც კურიერთან სატელეფონო საუბარში საქართველოს ელჩმა ირაკლი კოპლატაძემ განაცხადა, საელჩოს თანამშრომლები მუდმივ კონტაქტზე არიან სამართალდამცველებთან და ინფორმაციას ავტომატურ რეჟიმში იღებენ.
გუშინ თურქეთის დედაქალაში, ანკარაში აფეთქება მოხდა. აფეთქება ავტობუსის გაჩერებასთან ახლოს მოხდა. დაუზუსტებელი ინფორმაციით, არიან დაჭრილები და გარდაცვლილები. გავრცელებული ცნობით, დაღუპულია 30, 75 ადამიანია კი დაშავებული.
ათათურქის ბულვარზე, ავტოსადგურთან ახლაც იწვის მანქანები და ავტობუსები. რაიონი უსაფრთხების ძალებითაა გარშემორტყმული ადგილზე მობილიზებულია სასწრაფო და სახანძრო მანქანები.