დღეს შენდობის კვირაა. მართლმადიდებელი ეკლესია დიდმარხვისთვის ემზადება. დღეს კი შენდობის კვირაა, როდესაც მართლმადიდებლები ერთმანეთს პატიებას სთხოვენ და ცოდვებს სხვებსაც მიუტევებენ.
საღამოს ყველა ტაძარში საგანგებო ღვთისმსახურება აღევლინება და შენდობის ლოცვები იკითხება.
შენდობის კვირას მართლმადიდებელი ეკლესია პირველქმნილი ადამიანების მიერ სამოთხის დატოვების მიზეზს იხსენებს, რომელიც სინანულის უქონლობა გახდა. ეს დღე საყოველთაო სინანულისკენ მოწოდებაა.
საქართველოს კათოლიკოს-პატრიარქი, უწმინდესი და უნეტარესი ილია II სამების საკათედრო ტაძარში შენდობის წესს წაიკითხავს და მიტევებას თავადაც ითხოვს.
შენდობის დღის შემდეგ, მორწმუნეები დიდმარხვას იწყებენ.
