თსუ-ს სტუდენტების პროტესტი გრძელდება. ისინი მოითხოვენ, შეიზღუდოს თვითმართველობისთვის უფლებამოსილებები და შეწყდეს თვითმართველობაში მონაწილე სტუდენტების წახალისება ლექტორების მიერ. მათი მოთხოვნა ადმინისტრაციის ხელმძღვანელობის კანდიდატის, გიორგი გაფრინდაშვილის კანდიდატურის მოხსნაც ძალაში რჩება.
სტუდენტების თქმით, დღეს, ბათუმში 10 საათზე სოლიდარობის აქცია გაიმართება, 2 საათზე კი ილიას უნივერსიტეტის სტუდენტები შეუერთდებიან, ხოლო აქცია სახელწოდებით „ავტონომია უნივერსიტეტს" 3 საათზე თბილისის სახელმწიფო უნივერსიტეტის ეზოში დაიწყება.