ცნობილი ფრანგი მსახიობის, ანი ჟირარდოს, გარდაცვალებიდან 5 წელი გავიდა.
1931 წელს დაიბადა. თავდაპირველად ქირურგობას აპირებდა, თუმცა მსახიობობაზე ოცნებამ იგი პარიზის დრამატული ხელოვნების კონსერვატორიაში მიიყვანა. თავდაპირველად კინოში მის მიერ განსახიერებული როლები ნაკლებად შესამჩნევი იყო, თუმცა 1960 წელს ანი ჟირარდომ საყოველთაო ყურადღება მას შემდეგ მიიპყრო, რაც ლუკინო ვისკონტოს ფილმში "როკო და მისი ძმები" მეძავ ნადიას როლი შეასრულა. ფილმში მისი პარტნიორები იყვნენ ალენ დელონი და რენატო სალვატორი, რომელსაც მოგვიანებით ცოლად გაჰყვა კიდეც.
80-იან წლებში მსახიობს შემოქმედებითი კრიზისის ხანა დაუდგა. იგი მეუღლეს გაეყარა და ალკოჰოლს მიეძალა. მიუხედავად ამისა, მოგვიანებით მაინც შეძლო დიდ ეკრანზე დაბრუნება. მთლიანობაში, ანი ჟირარდომ 50 როლი შეასრულა.
ანი ჟირარდო, 2011 წლის 28 თებერვალს, 80 წლის ასაკში გარდაიცვალა. იგი დიდი ხნის მანძილზე ალცჰაიმერის დაავადებით იყო დასნეულებული. ანი ჟირარდოს პერ-ლაშეზის სასაფლაოზეა დაკრძალული.