"მაესტროს" დირექტორის თანამდებობიდან გათავისუფლებული ბაია გადაბაძე აცხადებს, რომ დღეს არხის ახალ დირექტორს ლევან გაჩეჩილაძეს სასამართლოში უჩივლებს. მისი განმარტებით, მოითხოვს
ბათილად იქნას ცნობილი "მაესტროს" პარტნიორთა საბჭოს გადაწყვეტილება ლევან გაჩეჩილაძის დირექტორად დანიშვნასთან დაკავშირებით. გადაბაძეს სარჩელი უკვე მზად აქვს.
,,საუბარია იმაზე, რომ გია გაჩეჩილაძის წილები სადავოა. ასევე მოყვანილია კონტრარგუმენტები, რის საფუძველზეც დირექტორობიდან გამათავისუფლეს. მე კანონის ფარგლებში ვმოქმედებდი და არგუმენტები, რაც ჩემს გათავისუფლებას დაედო საფუძვლად, არ არის ლოგიკური", - განაცხადა ბაია გადაბაძემ.
ის ტელეკომპანიის რეიტინგებთან დაკავშირებით გაჩეჩილაძის განცხადებასაც გამოეხმაურა.
,,გადავხედე რადიო "უცნობის" რეიტინგს და ის ათეულშიც არ არის. ასევე აღმოჩნდა, რომ რადიო რეიტინგებსაც ვერ უკვეთავს ფინანსური პრობლემების გამო. რადიოს მართვა გაცილებით ადვილია და ვურჩევ გაჩეჩილაძეს, ჯერ რადიო დააყენოს ფეხზე", - განაცხადა ბაია გადაბაძემ.
