Human Rights Watch-მა მსოფლიოში ადამიანის უფლებების მდგომარეობასთან დაკავშირებით 2015 წლის ანგარიში გამოაქვეყნა. დოკუმენტში 90-ზე მეტი ქვეყანაა განხილული, მათ შორის საქართველოც.
“2015 წელს ადამიანის უფლებების მდგომარეობა საქართველოში კვლავ არამდგრადი იყო. ყოფილი თანამდებობის პირების სავარაუდო სამართალდარღვევათა გამოძიება კითხვებს აჩენდა იმის თაობაზე, გამოძიება ამ საქმეების შინაარსიდან გამომდინარეობდა, თუ შერჩევით სამართალსა და პოლიტიკურად მოტივირებულ დევნას წარმოადგენდა”, - ნათქვამია დოკუმენტში.
გარდა ამისა, საერთაშორისო უფლებადამცველი ორგანიზაცია მიიჩნევს, რომ საქართველოში კვლავ პრობლემად რჩებოდა სამართალდამცველების მიერ წამებისა და სასტიკი მოპყრობის ფაქტების არასათანადო გამოძიება. ანგარიშში საუბარია მედიის მდგომარეობაზეც. «მედია პლურალიზმს საფრთხე შეუქმნა რამდენიმე პოლიტიკური ტოქშოუს დახურვამ და დავამ ყველაზე რეიტინგული ტელეკომპანიის „რუსთავი 2“-ის საკუთრებასა და მართვაში ყოფილი დაახლანდელი მაღალჩინოსნების სავარაუდო ჩარევის თაობაზე», - წერია დოკუმენტში.
Human Rights Watch ასევე აღნიშნავს, რომ ჰააგის სასამართლოს პროკურორმა 2008 წლის ომის დროს ჩადენილი დანაშაულებების გამოძიების დაწყება ითხოვა.
ანგარიშში საუბარია საქართველოს ხელისუფლების მიერ ყოფილი მაღალჩინოსნების წინააღმდეგ ათობით სისხლის სამართლის საქმის გამოძიებიებაზე. მათ შორის - გიგი უგულავას საქმე.
Human Rights Watch-ი აღნიშნავს, რომ “საქართველოს ახალგაზრდა იურისტთა ასოციაციამ“ 2015 წლის ნოემბრამდე 41 საჩივარი მიიღო წამებასა და სასტიკი მოპყრობასთან დაკავშირებით.
ამას გარდა, საერთაშორისო უფლებადამცველი ორგანიზაცია, სექსუალური უმცირესობების უფლებების მდგომარეობაზე აამხვილებს ყურადღებას Human Rights Watch-ის 2016 წლის ანგარიში მსოფლიოში ადამიანის უფლებების მდგომარეობის შესახებ ორგანზიაციის მიერ გამოქვეყნებული რიგით 26-ე დოკუმენტია.
