აჭარის ფინანსთა და ეკონომიკის სამინისტროს თანამშრომლებმა ბათუმის ბულვარში ხეების თოვლისგან გაწმენდის აქციაში მიიღეს მონაწილეობა. აქციაში მონაწილეობას აჭარის მთავარი ფინანსისტი, რეგიონის ფინანსთა და ეკონომიკის მინისტრი დავით ბალაძეც იღებდა. დავით ბალაძის ინიციატივა, სამინისტრო აქტიურად ჩართულიყო ხეების თოვლისგან გაწმენდის აქციაში, პირველი არ არის.
აღსანიშნავია, რომ ხეების თოვლისგან „განთავისუფლების“ აქციაში გუშინ ბათუმელებიც აქტიურად ჩაერთნენ და ერთობლივი ძალებით ცდილობდნენ მცენარეების გადარჩენას.
ბათუმის ბულვარის ადმინისტრაციის ინფორმაციით, მიუხედავად დიდი მცდელობიდა ბულვარში მწვანე ნარგავების ნაწილი მაინც დაზიანდა. ზარალის ზუსტი ოდენობა ჯერჯერობით უცნობია.