გრიპის შემთხვევების მატებასთან დაკავშირებით, თბილისის სააღმზრდელო დაწესებულებებში ააიპ თბილისის საბავშვო ბაგა-ბაღების მართვის სააგენტოს მიერ ყოველდღიური მონიტორინგი ხორციელდება.
„იმ შემთხვევაში, თუ რომელიმე ბაგა-ბაღში ბავშვების საერთო რაოდენობის 20%-ზე მეტის გრიპით ავადობა დაფიქსირდება, სააგენტო იმოქმედებს ჯანდაცვის სამინისტროს რეკომენდაციის შესაბამისად“, - აღნიშნულია თბილისის საბავშვო ბაგა-ბაღების მართვის სააგენტოს განცხადებაში.
შესაბამისი საჭიროებისას იმისათვის, რომ შემცირდეს კონტაქტი ინფიცირებულ ბავშვებთან, საბავშვო ბაგა-ბაღების მართვის სააგენტო მიმართავს პრევენციულ ღონისძიებებს და მინიმუმ სამი სამუშაო დღით შეაჩერებს სააღმზრდელო პროცესს.