დღეს, 15 მაისს, სიღნაღში ტურიზმის განვითარების პროქტის ფარგლებში, კულტურული ღონისძიებები გაიმართება.
როგორც "ჯი-ეიჩ-ენს" ეკონომიკის სამინისტროდან აცნობეს, 15:00 საათზე, სიღნაღის მუზეუმში გაიხსნება გამოფენა "დასავლეთ ევროპის ფერწერა საქართველოს ეროვნული მუზეუმის საგანძურიდან".
გამოფენაზე ექსპონატები ქრონოლოგიურ-გეოგრაფიული და მხატვრულ-სტილური მრავალფეროვნების დაცვით იქნა შერჩეული. გამოფენაზე ექსპონირებულია XVI_XIX საუკუნეების იტალიის, გერმანიის, ჰოლანდიის, ფლანდრიის, საფრანგეთის ფერწერული სკოლის ნამუშევრები.
