დასავლური მედიის მიერ გავრცელებულ ინფორმაციას იმის შესახებ, თითქოსდა ამერიკულმა სპეცსამსახურებმა ერაყში ისლამური სახელმწიფოს ერთ-ერთი მეთაური აბუ ომარ ალ-შიშანი დააკავეს, ჩეჩნეთის ლიდერი რამზან კადიროვიც ეხმაურება. “შიშანი თითქოსდა უკვდავი კაშეია. ჩვენ დარწმუნებული ვიყავით, რომ ის მოვკალით. ჩემი ხალხი მას თავზე ადგა. ის ძირს მკვდარი იწვა, ფოტოებიც გადაუღეს და გამომიგზავნეს, მაგარ როგორც გაირკვა, გადარჩა. ე.ი. ასე უნდა მომხდარიყო. მე არ მჯერა, რომ ის დააკავეს, მაგრამ ნებისმიერ შემთხვევაში, დარწმუნებული ვარ, ცუდად დაამთავრებს,”-განაცხადა კადიროვმა. ალ-შიშანის, იგივე თარხან ბათირაშვილის დაკავების ფაქტი არც პენტაგონმა დაადასტურა.
