რუსეთის პრეზიდენტმა ვლადიმერ პუტინმა საკონსტიტუციო სასამართლოს ევროპული სასამართლოს გადაწყვეტილებების იგნორირების უფლება მისცა, - ამის შესახებ ბი-ბი-სი იტყობინება.
გამოცემის ინფორმაციით, ამიერიდან რუსეთს უფლება ექნება, ადამიანის უფლებათა ევროპული სასამართლოს გადაწყვეტილებები არ შეასრულოს. საკანონმდებლო ცვლილებების თანახმად, იმ შემთხვევაში თუ საკონსტიტუციო სასამართლო ევროპული სასამართლოს რომელიმე გადაწყვეტილებას რუსეთის კონსტიტუციის საწინააღმდეგო გადაწყვეტილებად ჩათვლის, რუსეთს უფლება ექნება ევროპული სასამართლოს გადაწყვეტილების შესრულებაზე უარი თქვას.
რუსეთის სახელმწიფო დუმამ შესაბამისი კანონპროექტი 4 დეკემბერს მიიღო, 9-ში კი დოკუმენტი ფედერაციის საბჭომ დაამტკიცა.
კანონპროექტის ავტორების განმარტებით, ცვლიებები რუსეთის სამართლებრივ სუვერენიტეტს უზრუნველყოფს და საერთაშორისო სასამართლოების ტენდენციურ გადაწყვეტილებებს შეეწინააღმდეგება.
