თურქეთის მიერ რუსული სუ-24-ის ჩამოგდებაზე პასუხისმგებლობას მოსკოვი ნატოს აკისრებს. საგანგებო განცხადება ალიანსში რუსეთის მუდმივმა წარმომადგენელმა გააკეთა. ალექსანდრ გრუშკოს განმარტებით, მოსკოვმა ნატოს ინციდენტთან დაკავშირებით დეტალური ინფორმაცია მიაწოდა, თუმცა ალიანსმა პოლიტიკური შეხედულებების გამო ანკარის პოზიცია დაიჭირა, რითაც ინციდენტზე პასუხისმგებლობა აიღო. მისივე თქმით, თურქეთმა რუსული ავიაგამანადგურებელი მიზანმიმართულად ჩამოაგდო.
