საფრანგეთის პრემიერ-მინისტრი მანუელ ვალსი აცხადებს, რომ ტერორისტები ახალ თავდასხმებს გეგმავენ, არა მხოლოდ საფრანგეთში, არამედ მთელ ევროპაში. მისი ინფორმაციით, პარიზში განხორციელებული ტერაქტები სირიის ტერიტორიაზე დაიგეგმა.
"ჩვენ ვიცით, რომ თავდასხმები კვლავ მზადდება, არამხოლოდ საფრანგეთის, არამედ სხვა ევროპული ქვეყნების წინააღმდეგაც", - განაცხადა პრემიერმა.
მან ასევე დაადასტურა, რომ გუშინ, საფრანგეთის მასშტაბით ჩატარებული ანტიტერორისტული რეიდები პარიზში მომხდარ ტერორისტულ აქტებს უკავშირდება.
