საფრანგეთში მომხდარი ტერორისტული აქტების გამო უსაფრთხოების ზომებს ტოკიოც გაამკაცრებს. ამის შესახებ იაპონიის პრემიერ-მინისტრმა განაცხადა. სინძო აბეს თქმით, პარიზის ტერაქტებმა საერთაშორისო საზოგადოებას კიდევ ერთხელ, ნათლად დაანახა, რომ ტერორიზმის წინააღმდეგ ბრძოლის გააქტიურებაა საჭირო. „იაპონია შეძრულია საფრანგეთის დედაქალაქში განვითარებული მოვლენებით. ამ მძიმე წუთებში ჩვენ ფრანგ ხალხს სოლიდარობას ვუცხადებთ და მათ გვერდით ვდგავართ,“-აღნიშნა აბემ.
