უკრაინაში ადგილობრივი არჩევნები ჩატარდა. ქვეყნის მოსახლეობა 358 ქალაქის მერებს, ასევე, საოლქო და რაიონული საბჭოების დეპუტატებს ირჩევდა. წლევანდელი არჩევნები უკრაინაში ელექტორატის დაბალი აქტივობით გამოირჩეოდა. საარჩევნო ყუთებთან ამომრჩეველთა 46 პროცენტი მივიდა. ეგზიტპოლის მონაცემებით, კიევის არჩევნებში მოქმედი მერი ვიტალი კლიჩკო ლიდერობს, რომელსაც ხმა ამომრჩეველთა 40,4-მა პროცენტმა მისცა, თუმცა უკრაინული კანონმდებლობით, ქალაქებში, რომლის მოსახლეობაც 90 ათას ადამიანს აღემატება, მერობის კანდიდატმა 50 პროცენტიანი მხარდაჭერა უნდა მოიპოვოს. ეს კი იმას ნიშნავს, რომ კიევში არჩევნების მეორე ტური გაიმართება. საჭირო ხმების დაგროვება მერობის კანდიდატებმა ვერც ლვოვში, დნეპროპეტროვსკსა და ოდესაში შეძლეს.
